Toek pnek kmeng peal full MV Video | Khem New Songs 2015 | Town Production | Khmer song 2015
ថ្ងៃទី២៨ ខែឧសភា ឆ្នាំ២០១៥ ការលក់ គ្រឿងយន្ត កសិកម្ម និងគ្រឿងចក្រ ធុនធ្ងន់ មានកំណើន ៤១% ក្នុងរយៈពេល បួនខែដំបូង
លោក ម៉ៃ ឃ្វីន ប្រធានផ្នែកគ្រឿងយន្ត របស់ក្រុមហ៊ុន RMA Cambodia បានលើកឡើងថា៖ “តម្រូវការគ្រឿងយន្តកសិកម្ម និងគ្រឿងចក្រធុនធ្ងន់ មានការកើនឡើងយ៉ាងខ្លាំង ជាពិសេសត្រាក់ទ័រ ចនឌារ និងត្រាក់ទ័រចូកដី ម៉ាក ចេស៊ីប៊ី (JCB) JS205 ដែលមានប្រព័ន្ធគ្រប់ដោយស្វ័យប្រវត្តិ ហើយថែមទាំងទទួលបាន ការពេញនិយមពីក្រុមហ៊ុនសំណង់ ដោយប្រើប្រាស់បច្ចេកទេស តិចតួចប៉ុណ្ណោះសម្រាប់ដំណើរការ។ ក្រុមហ៊ុ RMA Cambodia ទើបតែធ្វើការសម្ពោធគ្រឿងចក្រថ្មីម៉ាក FUSOទម្ងន់ ៩ ទៅ ២៥ តោន។”
ប្រជាកសិករកម្ពុជា កំពុងផ្លាស់ប្តូរទម្លាប់នៃការធ្វើរបរកសិកម្មរបស់ខ្លួន ពីការប្រើប្រាស់កម្លាំងមនុស្ស និងសត្វពាហនៈ មកប្រើប្រាស់គ្រឿងយន្ត និងបច្ចេកវិទ្យាទំនើបៗ ដោយសារការប្រើប្រាស់គ្រឿងយន្ត បានជួយសន្សំទាំងពេលវេលា និងថវិកា។ ការធ្វើចំណាកស្រុក ដើម្បីរកការងារធ្វើនៅទីក្រុង និងក្រៅប្រទេស ក៏ជាកត្តាមួយជំរុញឲ្យមានការវិវត្តន៍ ក្នុងការផ្លាស់ប្តូរទម្លាប់ការធ្វើស្រែចំការផងដែរ។
យោងតាមរបាយការណ៍ ប្រចាំឆ្នាំរបស់ក្រសួងកសិកម្ម រុក្ខាប្រមាញ់ និងនេសាទ ដែលបានចេញផ្សាយ កាលពីដើមខែមេសា កន្លងទៅនេះ កម្លាំងពលកម្មមនុស្ស មានការថយចុះយ៉ាងគំហុក។ នៅឆ្នាំ២០០៩ មានការធ្លាក់ចុះរហូតដល់ ៥៧.៦% និង ៥៤.៨% នៅឆ្នាំ២០១០ ចំណែកឯឆ្នាំ២០១៣ មានធ្លាក់ចុះកម្លាំងពលកម្មចំនួន ៤៨.៧%។
ចំណែកកំណើនគ្រឿងយន្តកសិកម្ម សរុបចំនួន ៣៩% សម្រាប់ឆ្នាំ ២០១៤ បើធៀបទៅនឹងឆ្នាំ ២០១៣ នេះបើយោងតាមរបាយការណ៍ ដែលទទួលបានពីនាយកដ្ឋានគ្រឿងយន្តកសិកម្ម។
លោក មៃ ឃ្វីន បានបញ្ជាក់ថា៖ “ផលិតផលរបស់ក្រុមហ៊ុន មានជម្រើសជាច្រើន សម្រាប់អតិថិជន ដែលមានកម្លាំងចាប់ពី ៤៥ សេស រហូតដល់ ៣០០ សេស។ ក្រុមហ៊ុន ក៏ធ្វើការបណ្តុះបណ្តាលផងដែរ ពីបច្ចេកទេសប្រើប្រាស់គ្រឿងចក្រ ឲ្យស្របទៅនឹងប្រភេទដី និងពន្លឿនការងារផងដែរ។ ហើយក្រុមហ៊ុន ក៏ផ្តល់ជូននូវហិរញ្ញប្បទាន ដែលមានដែលមានដំណើរសាមញ្ញ និងងាយស្រួល។”
ក្នុងពេលថ្មីនេះ ក្រុមហ៊ុន RMA Cambodia បានសម្ពោធសាខាលក់ត្រាក់ទ័រ ចនឌារ ទីពីរ របស់ខ្លួននៅខេត្តកំពង់ធំ។ សាខាលក់ទីបី នឹងចាប់ផ្តើមដំណើរ នៅពាក់កណ្តាលឆ្នាំនេះ ហើយនឹងមានសាខាទី៤ នៅខេត្តកំពង់ចាម នៅឆ្នាំក្រោយ។ ការពង្រីកសាខារបស់ខ្លួន ដើម្បីធានាបានថា ក្រុមហ៊ុន ផ្តល់សេវាកម្មដ៏ល្អឥតខ្ចោះ ដល់អថិជនរបស់ខ្លួន។
អំពីក្រុមហ៊ុន អ អឹម អេ កម្ពុជា RMA (Cambodia)៖ ក្រុហ៊ុន RMA (Cambodia) ជាក្រុមហ៊ុនខ្នាតអន្តរជាតិ ហើយមានដំណើរការ នៅប្រទេសកម្ពុជាចាប់តាំងពីឆ្នាំ១៩៩២។ ក្រុមហ៊ុនទទួលបានសិទ្ធិផ្តាច់មុខនាំចូល និងចែកចាយផលិតផល និងសេវាកម្មលំដាប់ពិភាពលោក មកប្រទេសកម្ពុជា និងមានបុគ្គលិកប្រកបដោយវិជ្ជាជីវៈខ្ពស់ ក្នុងការផ្តល់វេសាកម្មដ៏ល្អប្រសើរ ដល់អតិថិជនរបស់ខ្លួន។ RMA (Cambodia) ក៏បានផ្តល់ការបណ្តុះបណ្តាល និងឱកាសការងារដល់ប្រជាជនកម្ពុជាជិត ១៦០០នាក់ ហើយជាកន្លែងដែលមានបរិយាកាសការងារល្អប្រសើរ និងទទួលបានអត្ថប្រយោជន៍ជាច្រើនផ្សេងទៀត៕
ខំហាត់ប្រាណ រាល់ថ្ងៃ ហេតុអ្វីបានជា គ្មានអ្វីប្រែប្រួលសោះ?
អ្នកខិតខំពត់ពេនខ្លួន ហក់លោត ជាប្រចាំ ដើម្បីឲ្យមានរាងស្អាត និងជើងស្រឡូន ក៏ប៉ុន្តែ ទោះបីជាអ្នកខិតខំ ហាត់ យ៉ាងណាក៏ដោយ បែរទៅជាគ្មានអ្វីប្រែប្រួលទាល់តែសោះ ។ អ្នកដឹងទេ មកពីមូលហេតុអ្វី?
ជាមួយនឹងបញ្ហានេះដែរ លោកវេជ្ជបណ្ឌិត Jillian Michaels មកពីមហាវិទ្យាល័យ Quincy នៃរដ្ឋម៉ាសាឈូស្សេត សហរដ្ឋអាមេរិកបានបង្ហាញថា ជាអកុសលអ្នកខ្លះកើតមកមាន កោសិកាធាត់ច្រើន និង អ្នកខ្លះទៀត មានកោសិកា សាច់ដុំតិច ។ ក៏ប៉ុន្តែ នៅក្នុងករណីនេះ អ្នកមិនគួរចុះចាញ់នោះទេ ដោយជាក់ស្តែង វាអាចបណ្តាលមកពីកំហុស សាមញ្ញៗមួយចំនួន ដែលអ្នកមិនដែលយកចិត្តទុកដាក់ ។
ផ្ទុយទៅវិញ វាជារឿងមួយដ៏សំខាន់ ដែលអ្នកគួរតែជៀសវាង នៅពេលអ្នកសម្រេចចិត្ត នៅក្នុងការធ្វើលំហាត់ប្រាណ ដើម្បីសុខភាព និងសម្រស់ ។
1-ហាត់ឲ្យតែបានៗ
គ្រូបង្វឹក Sean De Wispelaere នៃមហាវិទ្យាល័យ Quincy រដ្ឋម៉ាសាឈូស្សេត សហរដ្ឋអាមេរិក បាននិយាយថា មនុស្សមួយចំនួនយល់ថា ការហាត់ប្រាណជារៀងរាល់ថ្ងៃ ក្នុងរយៈតែ ២សប្តាហ៍ អាចធ្វើឲ្យជើងរបស់អ្នកឡើងសាច់ដុំ និងប្រែប្រួលរូបរាង ។ ផ្ទុយទៅវិញ វាមិនអាចចេញលទ្ធផលឆាប់រហ័សដល់ថ្នាក់ហ្នឹងនោះទេ ។ ដោយឡែក ប្រសិន អ្នកធ្វើការហាត់ប្រាណ ៣ដងក្នុងមួយសប្តាហ៍ វានឹងចាប់ផ្តើមប្រែប្រួលនៅសប្តាហ៍ទី ៤ ឬ ទី៦ ។
2-ការទទួលទានអាហារមិនត្រឹមត្រូវ
គ្រូបង្វឹក De Wispelaere ក៏បាននិយាយទៀតថាៈ « ដើម្បីឲ្យរូបរាងកាយរបស់អ្នកមានការប្រែប្រួល ជាដំបូង អ្នកត្រូវ យកចិត្តទុកដាក់ ទៅរបបអាហារទទួលទានរបស់អ្នកឲ្យបានត្រឹមត្រូវ ។ ជាមួយគ្នានេះដែរ សារជាតិប្រូតេអ៊ីន បន្លែ ផ្លែ ឈើ គួរតែទទួលទានឲ្យបានច្រើន ហើយត្រូវកាត់បន្ថយអាហារណា ដែលមានជាតិកាឡូរីខ្ពស់។ ប្រូតេអ៊ីនពិតជាមាន សារសំខាន់ណាស់ ដើម្បីតម្លើងសាច់ដុំ និងបង្កើនថាមពលមេតាប៉ូលិស ។
3-ហាត់ប្រាណមិនគ្រប់គ្រាន់
ប្រសិនបើអ្នកធ្វើការហាត់ប្រាណ តិចជាង៣ដង ក្នុងមួយសប្តាហ៍ នោះវាគ្មានប្រសិទ្ធភាពនោះទេ ។ ប្រសិនបើអ្នកគ្មានពេលគ្រប់គ្រាន់ ដើម្បីហាត់ប្រាណនោះទេ អ្នកគួរតែឧស្សាហ៍ យោលជើង ឬ ធ្វើដូចជាធាក់កង់យ៉ាងហោយណាស់ ឲ្យបានម្តងក្នុងមួយថ្ងៃ ដើម្បីកម្ចាត់កាឡូរីនៅក្នុងរាងកាយ ដែលកាឡូរី ពី ៤២០ ទៅ ៧៨០ ត្រូវបានកម្ចាត់ក្នុងរយៈ ពេលមួយម៉ោង។ មួយវិញទៀត ការឡើងកាំជណ្តើរ និងការដើរ ក៏ជាវីធីហាត់ប្រាណដ៏មាន ប្រសិទ្ធភាពដែរ សម្រាប់ អ្នកដែលគ្មានពេលគ្រប់គ្រាន់ដើម្បីហាត់ប្រាណ ដែលវាអាចធ្វើឲ្យសាច់ដុំរបស់យើង កំរើក នឹងមានចលនាបាន ២៥ ភាគរយដែរ ។
4-ពេលវេលាដើម្បីហាត់ប្រាណ
ការហាត់ប្រាណនៅផ្ទះ ដើម្បីសម្រស់ជើង និងគូថ ដោយគ្មានឧបករណ៍ហាត់ប្រាណ គឺជាវិធី ដ៏ល្អមួយដើម្បីកាត់ បន្ថយខ្លាញ់ភ្លៅ និងជើង។ តាមការពិត អាយុកាន់តែចាស់ អ្នកគួរតែ យកចិត្តទុកដាក់កាន់តែខ្លាំង ទៅលើចលនា នៃ ការហាត់ប្រាណ ។ មួយវិញទៀត សម្រាប់ស្រ្តីវ័យចំណាស់ ស្រទាប់សាច់ដុំមានសភាពស្តើង និងខ្សោយ ដែលជា ហេតុនាំឲ្យមានសភាពជ្រីវជ្រួញ និងយាធ្លាក់ ។ ហេតុដូចនេះ អ្នកគួរតែ បន្ថែមម៉ោងនៅក្នុងការហាត់ប្រាណ ។
5-ភាពព្រងើញកន្តើយ ទៅលើសាច់ដុំនៅកន្លែងដទៃទៀតរបស់ជើង
មនុស្សភាគច្រើន ជាពិសេសអ្នកដើរ អ្នករត់ និងអ្នកជិះកង់ មានការវិវឌ្ឍសាច់ដុំយ៉ាងល្អ។ ក៏ប៉ុន្តែ ប្រសិនបើអ្នកចង់ បានជើងស្រលូន អ្នកគួរតែ ឧស្សាហ៍តម្រង់វា។ ការធ្វើដូចនេះ អាចនាំឲ្យសាច់ដុំជើង របស់អ្នកមានចលនាបានស្មើល្អ ៕
